Nagin chantun n'ha uschè bleras valladas sco il Grischun. Perquai As stain nus a disposiziun en dus lieus cun servetschs multifars:
En la sedia principala a Domat gestiunain nus ina plattafurma da transport e da logistica da magasinar topmoderna per la Svizra Sidorientala. Nus essan colliads directamain ad ina vasta rait da distribuziun en Svizra ed en l'Europa grazia a la via ed als binaris da las VFF e da la VR. Cun nossa surfatscha da transtgargiar e da magasinar da var 20'000 m2 As stain nus adina a disposiziun – da di e da notg. Sin giavisch realisain nus Vossa midada da chasa – davent dal Grischun, en il Grischun u entaifer il Grischun. En pli nizzegiais Vus qua servetschs supplementars pratics sco ina lavandaria da camiuns, in tancadi u in drive-in per gas e sals. Plinavant dain nus a fit biros, magasins e parcadis en noss parc da mastergn en il center da Cuira.
En noss center da distribuziun en la Cho d'Punt a Samedan servin nus dapi il 1901 l'Engiadina, il Puschlav, la Bregaglia, Samignun e Livigno. Er a Samedan avain nus in agen terminal collià cun la rait da la VR en direcziun da la Bassa. Grazia a quel stgargiain nus il Pass dal Güglia mintg'onn per 4000 viadis da camiuns. Ed era qua pudais Vus emplenir Voss deposit da gas e da sal privat u commerzial.