Spert al lieu giavischà

Vus vulais profitar da clients grischuns per Voss products u viceversa da products grischuns per Voss clients. Lura essas Vus en il dretg lieu tar nus: mintga martganzia a toc vegn dada vinavant spert – il pneu, il vin gustus, la stanga d'atschal, il puschel flurs, il granit grischun, il salami cun trifla talian ed auter pli. Cun passa 90 vehichels e profis da manischar rutinads transportain nus Vossas spediziuns che nus survegnin fin las 7.30 anc quel di en l'entir Grischun.

Martganzia per las costas situadas al sid da la part centrala da las Alps mettain nus sin ils binaris ecologics da la VR a maun da noss agen perrun da Cargo. Pir a partir da Samedan la distribuin nus lura cun camiuns. Dapi il 1996 essan nus numnadamain partenaris da sistem da la Cargo Domizil AG. Betg mo l'ambient profitescha tar nus, mabain era Vus profitais da nossas tariffas da Cargo survesaivlas, d'ina infrastructura dad IT moderna e da servetschs da magasinar multifars.