Nus transportain tut per Vus

Aliments che ston vegnir magasinads tar tschintg grads celsius transportain nus cun noss vehichels da transport isotermics cun regulaziun da temperatura: per exempel verdura, products da latg u fritgs. En noss magasin isotermic dastgais Vus gugent magasinar temporarmain martganzia che dovra ina tscherta temperatura. Dal reminent: grazia ad ina sclusa da temperatura serrada na sa mida la temperatura da magasinar optimala era betg cun magasinar u demagasinar.

Per il traffic a vitgira cumplaina duvrain nus tranter auter punts stgamiablas. Cun quellas transportain nus a moda segira chargias grevas, sco per exempel plattas da granit, bists da plantas u astas d'atschal dals binaris sin via u viceversa. Il particular è che nossa colliaziun da viafier è adattada tant per la rait da viafier da las VFF sco era per il binari stretg da la VR.

Nus transportain per Vus era medicaments, a partir da la mesadad dal 2014 perfin cun vehichels equipads aposta per medicaments che correspundan a las pli novas pretaisas legalas concernent la temperatura e la segirezza per transportar medicaments.